Plattdeutsche Erzählungen von Heinrich Wallenstein:

Miene kumm, woi witt noar Rindeler Misse...

Seo secht Koarl teo soiner Miene un Noawers Fritz mit soiner Liene schliutet sick doar äok noch an, denn Misse es för jedermann.

Liene, Miene, Koarl un Fritz schmoi´t sick in ührn Autositz.

Van Nottberg bet na Rindeln teo gaaht dat flott un sicher seo.

Wo loat´t woi niu dat Auto stoahn?

Man well ja doch seo woit nich goahn, weil jümmer man doch ganz jewisse veel löppet upper Rindelner Misse.

West-Contrescarpe dat könne pasasen, denn dür Bledomwall un Gassen kümmt man in den Missetrubeln in dat Musoik-Gedudel.

 

Upp´n Machte vanner Stadt gaaht vörnean dat Riesenrad.

Doar kann Koarl niu iut´n Himmel harunner koiken upp´t Gewimmel.

Dä Minsken drouwet hen un her, just wie dä Well´n upp´n Meer.

Gräote, Lüttke, Aole, Junge, jümmer gaah´t in´n gloiken Schwunge.

Miene secht: Eck well nich foiern, oi vagaaht doar seun un hoiern.

Eck wer bestimmt janz schwindelig, un dat Rad dat hölt denn nich.

Loat leuwer us naa´n Kasper goahn, doar bloi woi eus moal´n beeten stoahn.

Woi fraat us me dän Kinnern, dä Kasper well´n Schandarm wertimmern.

 

Autoscooter dat es wat för Fritz, heu satt noch nie upp´n Fahrersitz.

Liene kumm, woi witt moal foiern, Keiner schall us doarbei stoirn.

Eck nehmet Stuier, diu sisst neb´nboi, schasst seun, eck foier flott un froi.

Doar ruckt oll an dä lüttke Woaren, Fritz dä foiert gloik in´n Boaren, doch doar kümmt vanner annern Soite euner öhne inne Moite.

Rumms ghaaht öt, un Fritz un Liene moakt ne janze siuer Miene.

Doch dä annern lachet feste, dä Rumms was wall ner nich dä lesste.

Seo eunfach un äok wall sedo lichte, es Autofoiern doch wall nichte.

 

Koarl un Miene wörn intwisken, woo´t Brötchen gaff met lüttken Fisken.

Koarl att dä besonnners gerne, Miene schnüffel bleos van ferne.

Öt was doar mähr för warme Wöste.

Koarl kumm her, denn eck möste moal inne Brennerstroatn goahn, von doarher rückt öt schön noa broan.

Doch doar moake Koarl sick risk, twisken´n Täähn noch´n Fisk, lot moi in Riuhe mit Maniern, doch moin´n Brötchenfisk vatiern.

Dseo niu köön joi baade goahn, teon Würsteäten doar in stoahn.

 

Fritz un eck, woi wit eus moal foiern wiar bei Berg un Doal.

Seo wi woi dat früher deen, os woi wörn ner jung un schön.

Äok, n Misseschluck haan woi noch nich un ddat es vawunnerlich, denn Schluck un Bier doar upper Misse es wie dä Räjen äok jewisse.